ఆంధ్రభారతి - తాళ్లపాక అన్నమాచార్య కీర్తనలు - పరమయోగిని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 14 సంకీర్తన: 10
ప్రత్యేక సంపుటము - సంకీర్తన: 185

తాళ్లపాక అన్నమాచార్య

రాగము: లుప్తము

(పరమయోగిని శివా-ర్పణ బుద్ధిగాదిది)^[1] (తరుణి తాపము వింత - తపమాయగాని)^[2]	॥పల్లవి॥
విరహతాపముచేత - పొరలి పొరలిన వీడి సరసంపునెరివేణి - జడగట్టెగాని అరుదైన చింతతో - (నలయుచు)^[3]ను దినదినము సరసిజానన మేను - సగమాయగాని	॥పరమ॥
(కలకంఠిగళనీల - గరళమ్ము)^[4] గాదిది నలువైన నీలమణి - నాయకముగాని తెలుపైన నిజభూతి - దేహంబు గాదిది దళమైన కపురగం - ధపుపూతగాని	॥పరమ॥
తరుణ కోమల సు(ధా - కరురేఖ గాదిది)^[5] తిరువేంకటేశుఁ(డ-ద్దిన)^[6] నఖము గాని పరగంగ వైరాగ్య - భావంబు గాదిది (వ)^[7]ర వధూమణికి పర - వశమాయ గాని	॥పరమ॥

^[1] (లుప్త పూరణము)
^[2] (లుప్త పూరణము)
^[3] నొలయుచును
^[4] నీలగళము గాదయంత
^[5] లుప్తము
^[6] డుదిదిన
^[7] ప