ఆంధ్రభారతి - తాళ్లపాక అన్నమాచార్య కీర్తనలు - పసిఁడి మెరపుతీగ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 36 సంకీర్తన: 35
ప్రత్యేక సంపుటము - సంకీర్తన: 187

తాళ్లపాక అన్నమాచార్య

రాగము: కాంబోది

పసిఁడి మెరపుతీగ భావమేమో - వో యక్కలాల పఁడతి యొకతె మెలఁగుచున్నదే	॥పల్లవి॥
కమలమందు అరటి గాసెనే వో యక్కలాల కామునింటి మీఁద గగనమే రోమరేఖ పసిడికుండలే వో యక్కలాల సోముకళలు నీలమేఘమే	॥పసిఁడి॥
పగడమందు కెంపు బుట్టె నే - వో యక్కలాల పైని చందమామ తోఁచెనే మిగులమంచి తెల్ల దామెరల - వో యక్కలాల మించి యెఱ్ఱదనము గలిగెనే	॥పసిఁడి॥
యిరులబొదల తారలమరేనే - వో యక్కలాల సరవి వింతల కలికి కూడఁగనే సరసుఁడై శ్రీవేంకటేశుఁడే - వో యక్కలాల (కరఁగి తా)నుపరతుల (గలియగనే)	॥పసిఁడి॥