ఆంధ్రభారతి - తాళ్లపాక అన్నమాచార్య కీర్తనలు - పాడరే పాడరే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 211 సంకీర్తన: 222
ప్రత్యేక సంపుటము - సంకీర్తన: 188

తాళ్లపాక అన్నమాచార్య

రాగము: భూపాలం

పాడరే పాడరే - పాడి చూడరే, కుల - పావనియైన యీ పడుచును ఆడరే చెలు - లందరును గూడుక - అలమేల్మంగనే పడుచును	॥పల్లవి॥
పాలవెల్లి దొలి - చూలు కూతురు - పసిడిబొమ్మ వంటి పడుచును చాల ముత్తయిదువ - చందమామ - సైదోడైన పడుచును వోలవోలా అని - జలధిలోపలి వొస - పరైనట్టి పడుచును నీలవర్ణుని పాలి కీడుజోడైన - నెలత నీ ముద్దుల పడుచునూ	॥పాడరే॥
యేడేడు భువనమ్ములను నిల - బొమ్మరిండ్లుగా గట్టిన పడుచును తోడునీడై తానె తొలుత బ్రహ్మాండాలు - దొంతులు పెట్టిన పడుచును యీడైన పడుచుల - నిందారి పెండ్లిండ్లు - (నేరుపడ) జేసిన పడుచును వేడుక తో గూడి (యాడి) తమలో దామె - వియ్యాలనందిన పడుచును	॥పాడరే॥
కొండకూతురను గూడుక - తుంపెర్లు - గురియుచునుండేటి నిండు నోములు నోచు - నెలతల కాపురాల్‌ - నిలువ బెట్టినట్టి పడుచును కొండిక ప్రాయాన (కూడి) యలమేల్మంగ - కొడుకు తల్లైనట్టి పడుచును(?) వెండియు రఘురాముడై - వెలయుచు శ్రీ-వేంకటేశ్వరుని పడుచును	॥పాడరే॥