ఆంధ్రభారతి - తాళ్లపాక అన్నమాచార్య కీర్తనలు - కాను స్వతంత్రుఁడననఁ గాదని తలఁగ లేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 284-2
సంపుటము: 3-483

తాళ్లపాక అన్నమాచార్య

రాగము: భైరవి

కాను స్వతంత్రుఁడననఁ గాదని తలఁగ లేను నేను నీ కింకరుఁడ నీ రచనలే	॥పల్లవి॥
యెంతైనాఁ దీరదిదే యెందుచూచిన పనులు అంతటాను నీమాయ అలయించగా దొంతులగుఁ గర్మములు తోడనే తిరిగీని సంతకూటపు బ్రతుకు సటలఁబెట్టీని	॥కాను॥
మాన వింద్రియము లివి మతిలోనఁ బెరరేఁచు నానాగము(తు?)లఁ బ్రకృతి నటియించఁగా పూని పురాకృతములు పోనీక తిరిగీని సానఁ బట్టిన వయసు సటలఁబెట్టీని	॥కాను॥
తరవులనే పెట్టీని తతిలేని యాసలివి నిరతంపు జన్మములు నిడుసాగఁగా వరుస శ్రీవేంకటేశ్వర నీవు నన్నేలి కరుణించఁగా భక్తి ఘనత మీరీని	॥కాను॥