ఆంధ్రభారతి - తాళ్లపాక అన్నమాచార్య కీర్తనలు - వలచినందుకు గురుతు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 93 సంకీర్తన: 92
ప్రత్యేక సంపుటము - సంకీర్తన: 236

తాళ్లపాక అన్నమాచార్య

రాగము: నాదనామక్రియ

వలచినందుకు గురుతు - వలె గాక, వూరకే వలచితి ననుకో - వలె నటే తరుణి?	॥పల్లవి॥
అరుదైన తన ప్రాణ - పదమైన విభు రాక కెదురు చూడగ సంధు - లదరంగ వలదా? ముదముతో తన పతిని - మదిలోన దలచితే మదన సదనమునందు - పద నెంచ వలదా?	॥వలచినందుకు॥
సదయుడు తన స్వామి - యదె వచ్చె నని వింటె వుదుటుగుబ్బలు మిగుల - నుప్పొంగ వలదా? కదిసి తన నాయకుని - కనులార జూచితే పొదలి తన మేనెల్ల - పులకించ వలదా?	॥వలచినందుకు॥
పొలుచు తన వల్లభుని - పలుకు చెవులను వింటె కలియకనె పదహారు - కళ లూర వలదా? వెలది యలమేల్మంగ - వేంకటేశు గూడితే పొలయలుకలు మాని - పొందు గావలదా?	॥వలచినందుకు॥