ఆంధ్రభారతి - తాళ్లపాక అన్నమాచార్య కీర్తనలు - వారివారికి తె(వులు) - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 23 సంకీర్తన: 21
ప్రత్యేక సంపుటము - సంకీర్తన: 240

తాళ్లపాక అన్నమాచార్య

రాగము: కాంబోది - జంపె

వారివారికి తె(వులు) - వాలాయముగ నరు(ని) (నారి) వంకను బుట్టె - నడుమ నొక తె(వులు)	॥పల్లవి॥
యతికి గోపంబైతె - యెడద బాయని తెవులు సతికి యవగుణమైతె - చాల తెవులు మతిహీనుడై సుతుఁడు - మాట వినకుంటేను ఆతని తలిదండ్రులకు - నాత్మలోఁ దెవులు	॥వారివారికి॥
పొరుగింట నే ప్రొద్దు - (పొరలేది) పెనుదెవులు వొరిమె లేని యూర - వున్నను దెవులు తరమెరుంగని దొరను - దగిలి కొలుచుట తెవులు సరిగానివారితో - జగడమే తెవులు	॥వారివారికి॥
ధనవంతుఁడై దాన - (ధర్మ)మెఱుఁగని తెవులు (నెనరుతో) నిల్లాలి - నేలనిది తెవులు అనుదినము శ్రీవేంక - (టాధీశు) గొలువని మనుజులకు నేప్రొద్దు - మనసులో తెవులు	॥వారివారికి॥