ఆంధ్రభారతి - తాళ్లపాక అన్నమాచార్య కీర్తనలు - వారివారికిఁ దగిన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 24 సంకీర్తన: 22
ప్రత్యేక సంపుటము - సంకీర్తన: 241

తాళ్లపాక అన్నమాచార్య

రాగము: లుప్తము

వారివారికిఁ దగిన - వాఁడ లాలి (కోరిన వారింటి - గుమ్మడ! లాలి)	॥పల్లవి॥
మీనమై జలనిధి - (మించు తరగల తొట్ల) మీద నూఁగినవాఁడ లాలి ఆనందకమఠమై - అమృతంపు దొట్లలో - నంది వూఁగినవాఁడ లాలి (కోనల గొండల - క్రోడమై వారాశి) గునిసివూఁగినవాఁడ లాలి మానారసింహుఁడై - (మహి) కడపతొట్లలో - మరగివూఁగినవాఁడ లాలి	॥వారివారికి॥
వామనుఁడవై త్రిభు-వనము లను తొట్లలో - వరుసనూఁగినవాఁడ లాలి రాముఁడై జమదగ్ని - రాజు తొట్లలోనూఁగు - రసికశిఖామణి లాలి ఆ మీద రఘురాము - (ఁడై) పుష్పకపు తొట్ల - నంది వూఁగినవాఁడ లాలి మామకొరకు గొల్ల - మందల తొట్లలో - మరఁగి వూఁగినవాఁడ లాలి	॥వారివారికి॥
తగు బుద్ధ రూపమున - ధర్మంపు తొట్లలో - తగిలి వూఁగినవాఁడ లాలి పొగడొంద కలికివై - భూమి తొట్లలోన - పొసగనూఁగినవాఁడ లాలి తగు నలమేల్మంగఁ - (దమిని) కౌఁగిలి తొట్ల - తగిలి వూఁగినవాఁడ లాలి చిగురిం(చుమౌనిజన - చిత్తడోలిక లూఁగు) - శ్రీవేంకటారమణ లాలి	॥వారివారికి॥