ఆంధ్రభారతి - తాళ్లపాక అన్నమాచార్య కీర్తనలు - శరణాగతవత్సల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 39 సంకీర్తన: 38
ప్రత్యేక సంపుటము - సంకీర్తన: 255

తాళ్లపాక అన్నమాచార్య

రాగము: శంకరాభరణం

శరణాగతవత్సల - సర్వసులభ పురుషోత్తమ! నాచే నీవు - పూజ గొనవయ్యా	॥పల్లవి॥
ముంబరపు బ్రహ్మాండములు - మోచు నీ మీదనా చెంబులోని నీళ్లు - చిలికించేది పంబిన నిందిరాదేవి - పగిది వాసంతపు గా మ్యంబు దీర నాచే నీవు - మజ్జనమాడవయ్య	॥శరణాగత॥
పట్టరాని విశ్వరూ - పముఁ జూపే నిన్ను నే పెట్టెలోనా (బిగ్గ - బట్టి) కట్టేది పట్టమేలే కౌసల్య గ - ర్భములో నున్నయట్లు చే పట్టి వైకుంఠపు - పట్టు జేసుకోవయ్యా	॥శరణాగత॥
అల చరాచరము లా-రగించే నీకు నే వెలయకుండతోనా నై - వేద్యమిచ్చేది అలమేల్మంగ శ్రీవేంకటాద్రి - నాథునకు నే వెలయ భరద్వాజ - విందు జేసుకోవయ్య	॥శరణాగత॥