ఆంధ్రభారతి - తాళ్లపాక అన్నమాచార్య కీర్తనలు - శరణుశరణు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 90 సంకీర్తన: 88
ప్రత్యేక సంపుటము - సంకీర్తన: 256

తాళ్లపాక అన్నమాచార్య

రాగము: మాళవి

శరణుశరణు సురేంద్రసన్నుత శరణు శ్రీసతివల్లభా శరణు రాక్షసగర్వసంహర శరణు వేంకటనాయకా	॥పల్లవి॥
కమలధరుఁడును కమలమిత్రుఁడు కమలశత్రుఁడు పుత్రుఁడు క్రమముతో మీకొలువు కిప్పుడు కాచినా రెచ్చరికయా	॥శరణు॥
ఆనిమిషేంద్రులు మునులు దిక్పతు లమర కిన్నర సిద్ధులు ఘనతతో రంభాదికాంతలు కాచినా రెచ్చరికయా	॥శరణు॥
ఎన్నఁగల ప్రహ్లాదముఖ్యులు నిన్నుఁ గొలువఁగ వచ్చిరీ విన్నపము వినవయ్య తిరుపతి వేంకటాచలనాయకా	॥శరణు॥