ఆంధ్రభారతి - తాళ్లపాక అన్నమాచార్య కీర్తనలు - శ్రీనివాసా! జగదేకనాయకా! - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 41 సంకీర్తన: 41
ప్రత్యేక సంపుటము - సంకీర్తన: 258

తాళ్లపాక అన్నమాచార్య

రాగము: శంకరాభరణం

శ్రీనివాసా! జగదేకనాయకా! - శ్రితకల్పతరువ! గానవిలోల! భక్తవత్సల! - కరుణించవే అప్పయ!	॥పల్లవి॥
సొలవక తిరుకచ్చి - నంబిపై బెట్టిన - చూపు నా పై బెట్టవయ్య! చెలగి (నాపై) తొండ - మాన్‌ జక్రవర్తిపై - చేసిన దయ సేయుమయ్య! యెలమి నన్ను దిరు - మల నంబిగారిని - ఏలినటువలె నేలుమయ్య! పలుమాట లేటికి - వారి విన్నపముల - (నెలసి విన్నట్టులే) వినుమయ్య!	॥శ్రీనివాసా!॥
సరగున మును - నాథముని కిచ్చినట్టి - చనవు నాకు నియ్యుమయ్య! కురువనంబిగారి - మీద నుంచినట్టి - కూర్మి నాపై నుంచుమయ్య! అరుదుగ మును ననం - తాళువారి నేలి - నటువలె నన్నేలుమయ్య! పరమార్థమును గని - (భృత్యుని)భృత్యుని - పలుకు లాలకించుమయ్య!	॥శ్రీనివాసా!॥
అలయక (మున్ను) రా - మానుజుల నేలిన - యటువలె నన్నేలుమయ్య! తలపులోన నీ - దాసుల దాసుల - దాసుడనీ యనుమయ్య! అలమేలుమంగ శ్రీవేంక - టప్పా! (మమ్ము) పూ - ర్వాచార్యుల జూచి (బ్రోచి) వెలయ వారి దాసు - విన్నప (మాలించి) - వేవేగ జేకొనుమయ్య!	॥శ్రీనివాసా!॥