ఆంధ్రభారతి - తాళ్లపాక అన్నమాచార్య కీర్తనలు - జీవన్ముక్తులము శ్రీపతిదాసులము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 284-5
సంపుటము: 3-486

తాళ్లపాక అన్నమాచార్య

రాగము: సాళంగం

జీవన్ముక్తులము శ్రీపతిదాసులము భావించవో మమ్మును ప్రపంచపు మాయా	॥పల్లవి॥
యివల దానధర్మము లేమిఁ జేయుట లేదు తవిలిన పాతకాలు దైవమే వహించుకొనె భువిలోన నా కిఁక బుట్టఁబని లేదు లేదు భవరోగవైద్యుఁడు శ్రీపతి గలఁడు గాన	॥జీవ॥
యెలమి స్వర్గాది లోకాలేమీఁ గోరుట లేదు కల వైకుంఠము హరి కాలమునాఁడే యిచ్చె తొలుత నాకుఁ జావుల తోడి సడ్డ వద్దు వద్దు బలువైన యచ్యుతుని బంట్లము గాన	॥జీవ॥
పూపసుఖమూ నొల్లము పొంచి దుఃఖమూ నొల్లము చేపట్టి బ్రహ్మానందము శ్రీవేంకటేశుఁ డిచ్చెను దూపయు నాఁకటికిఁగా తోదోపు మా కిఁక వద్దు కాఁ పమృతమథనుఁడు గలఁ డిట్టే కాన	॥జీవ॥