ఆంధ్రభారతి - తాళ్లపాక అన్నమాచార్య కీర్తనలు - సారెకు నీ వోజ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 234 సంకీర్తన: 245
ప్రత్యేక సంపుటము - సంకీర్తన: 270

తాళ్లపాక అన్నమాచార్య

రాగము: భైరవి

సారెకు నీ వోజ తెలియనైనా, మాకు - మారు చదువు చదువవలెను తేరక నీ మాట బొంకైనా నీ - తెలివి బొంకదాయెగా	॥పల్లవి॥
చుక్కపొడుపున వచ్చేనని మోవి - చుక్క పొడుపున వచ్చితివిగా మిక్కిలి నీ మాట బొంకైనా, నీ - మేను బొంకదాయను వొక్క పొద్దు చేసి వచ్చేననిన వాడ - వొక్క పొద్దు చేసి వచ్చితివిగా చక్కదనపు నీ మాట బొంకైనా, నీ - జాడ బొంకదాయగా	॥సారెకు॥
నెల తిరుగక వచ్చేనన్న నీ వొక - నెల తిరుగ వచ్చితివి కలికితనపు నీ మాట బొంకినా, నీ - కాలము బొంకదాయను యిల్లు జొచ్చి వచ్చేనని పొరు - గిల్లు జొచ్చి వచ్చితివిగా చెలిమి చేసి నీ మాట బొంకైనా, నీ - సేత బొంకదాయగా	॥సారెకు॥
సాము చేసి వచ్చేనని మరుని - సాము చేసి వచ్చితివిగా గామిడి నీ మాట బొంకైనా - కడు నీ రతి బొంకదాయను నేమపు శ్రీవేంకటనాథ వేడుకల - నించేనని కళలు నించితివిగా యేమయ్య నీ మాట బొంకైనా నీ - విపుడు బొంకవుగా	॥సారెకు॥