ఆంధ్రభారతి - తాళ్లపాక అన్నమాచార్య కీర్తనలు - (స్వామి!) వేంకటరమణ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 19 సంకీర్తన: 16
ప్రత్యేక సంపుటము - సంకీర్తన: 272

తాళ్లపాక అన్నమాచార్య

రాగము: కాంబోది - అట

(స్వామి!) వేంకటరమణ - యేమిపరాకయ్య నామనవి యాలించి - నను నేలవయ్య	॥పల్లవి॥
నీవే నా తల్లివి - నీవే నా తండ్రివి నీవె నాపాలిపె - న్నిధాన మనుచు నేవేళ నామదిలో - నెంతైన నమ్మితే భావించి కరుణతో - బ్రోవరా వేమయ్య	॥స్వామి!॥
ఎందరను రక్షింప - వెంత సెలవుసేయ వందులో నేను నీ - కవుదునా బరువు కందర్పగురుఁడ నను - కావవే యిందరిలో సందడిని మరచేవు - స్వామీ అదేమయ్య	॥స్వామి!॥
నిన్ను నమ్మినవాని - కన్నడ జేసితే అన్యు లెవరైన నను - నాదరింతురటయ్య నన్నేలు కృపతోడ - నాపాలి వెంకటరమణ నిన్ను నమ్మితి నేను - నీవాఁడ నయ్య	॥స్వామి!॥