ఆంధ్రభారతి - తాళ్లపాక అన్నమాచార్య కీర్తనలు - సిగ్గుగల యాఁటదైతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 97 సంకీర్తన: 97
ప్రత్యేక సంపుటము - సంకీర్తన: 273

తాళ్లపాక పెదతిరుమలాచార్య

రాగము: సామంతం - అట

సిగ్గుగల యాఁటదైతేఁ జేర వచ్చునా వొగ్గి నేఁ గా నీతో నొక్కటైతిఁ గాకా	॥పల్లవి॥
వొంటి వేగించఁగా లేక వొద్దికి వచ్చితిఁ గాక యింటికివచ్చిన మోహ మితవయ్యీనా మంట దేర నీతోను మాటలూ నాడేఁ గాక కంటకపు నీతో పొందు కానిదే కాదా	॥సిగ్గు॥
చిత్తము నిలుపలేక సెలవి నవ్వితిఁ గాక బత్తి సేయ నీమీఁద పాపము గాదా తత్తర మాపఁగలేక తప్పక చూచితిఁ గాక హత్తి నీతో మొగమోట మారడి కాదా	॥సిగ్గు॥
పొందు మరిగితిఁ గాన పొత్తుకు వచ్చితిఁ గాక చెంది వేగిరించ నీతోఁ జెల్లునా నాకు కందువఁ గూడితివి చాఁగలమఱ్ఱి చెన్నుఁడవై అందపు శ్రీవేంకటేశ అరుదా నాకు	॥సిగ్గు॥

(ఈ సంకీర్తన 17వ సంపుటంలో 21వ సంకీర్తనగా ఉంది.)