ఆంధ్రభారతి - తాళ్లపాక అన్నమాచార్య కీర్తనలు - సిగ్గులు బడితే శృంగారము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 224 సంకీర్తన: 236
ప్రత్యేక సంపుటము - సంకీర్తన: 275

తాళ్లపాక అన్నమాచార్య

రాగము: కాంబోది

సిగ్గులు బడితే శృంగారము - చిగురెక్కీ సుమ్మీ యెగ్గులుబట్టేవా రిందరిలో - యెవరున్నా(రనుమీ)	॥పల్లవి॥
పులిగోటిమీద నేమిటికి తట్టు - పునుగు (మెత్తేవు?), అది పలుమారు చురచురమనునేమో - పన్నీట గడుగరే శలగోటి తానెందుకంటే కడు - చలదియని యందురు కొలదిగాదు వలరాచవెజ్జుచే - గు(ణము) సేయించుడీ	॥సిగ్గులు॥
(ఇ)దె పలుగెంపు వాతెరకు వీడె - మేమిటికిచ్చేరే, కాని కదిమి కారపు వేడిచూపునేమొ - కర్పూరము మెత్తరే యిది నవ్వుగాదు మానిసికాటు - యింతకంటె విషము మదనశాస్త్రమెరింగినవారి చేత - మందు వెట్టించరే	॥సిగ్గులు॥
ఎలమి నీ చెక్కుచెమటల చేతు-లెందుకు దుడిచేరే సొలయక పట్టితే కందునేమో - (సురటి) విసరరే అలమేలుమంగ శ్రీవేంకటేశు - డెలమి నాకె గూడె అలరువిలుతు తండ్రికాసతిచే - అలపులు దీర్చరే	॥సిగ్గులు॥