ఆంధ్రభారతి - తాళ్లపాక అన్నమాచార్య కీర్తనలు - సురలకు నరులకు సొరిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 253 సంకీర్తన: 266
ప్రత్యేక సంపుటము - సంకీర్తన: 277

తాళ్లపాక చినతిరుమలాచార్య

రాగము: లుప్తము

సురలకు నరులకు సొరిది విన విన అరుదు తాళ్లపాక అన్నమయ్య పదములు	॥పల్లవి॥
చక్కెరై చవిచూపీ జాలై తావి చల్లీ నక్కజపుమాఁతువజ్రాలై మెఱసీని నిక్కుటద్దములై మా నిలువునీడలు చూపీ నక్కర తాళ్లపాక అన్నమయ్య పదములు	॥సురలకు॥
పన్నీరై పైఁబూసీఁ గప్రంబై చలువ రేఁచీ మిన్నగలముత్యములై మెయినిండీని వెన్నుబలములై మావెంటవెంటఁ దిరిగీని అన్నిట తాళ్లపాక అన్నమయ్య పదములు	॥సురలకు॥
నెట్టన వేదాంతములై నిత్యములై పొడచూపీ పుట్టుతోనె గురువులై బోధీంచీని గట్టి వరాలిచ్చే శ్రీవేంకటనాథుని మెప్పించీ నట్టె తాళ్లపాక అన్నమయ్య పదములు	॥సురలకు॥