ఆంధ్రభారతి - తాళ్లపాక అన్నమాచార్య కీర్తనలు - సొరిదినొకరి లెస్స - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 205 సంకీర్తన: 216
ప్రత్యేక సంపుటము - సంకీర్తన: 280

తాళ్లపాక అన్నమాచార్య

రాగము: కాంబోది

సొరిదినొకరి లెస్స - జూడ జాలమిగాక యిరవొందగ తనసొ - మ్మేమైనా పొయ్యీనా	॥పల్లవి॥
కొమ్మగుబ్బలు బంగారు - కుండలవలె నుండగా చిమ్ముల యీ నడుమేల - చిన్నబోయెనే అమ్మకచెల్ల! యివియెల్ల మ -ధ్యమరీతి యింతేకా కిమ్ముల జూడగా తన - సొమ్మేమైనా బొయ్యీనా	॥సొరిది॥
రామామణి నెమ్మొగము - రాజు వలె నుండగా నాముమేసే కురులేల - నల్లనాయనే మైమరచిన కుటిల - మార్గమింతే కాక ఆముకొన్న తన సొమ్మే - మైనా బొయ్యీనా	॥సొరిది॥
కలకంఠి మోవి మా - ణిక్యము వలె నుండగా మొలకదంతములేల - పలకబారీనే పలుదెరంగుల కఠిన - పాకమింతే కాక యిల శ్రీవేంకటపతి తన సొ - మ్మేమైనా బొయ్యీనా	॥సొరిది॥