ఆంధ్రభారతి - తాళ్లపాక అన్నమాచార్య కీర్తనలు - హరి యితండు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 216 సంకీర్తన: 227
ప్రత్యేక సంపుటము - సంకీర్తన: 281

తాళ్లపాక అన్నమాచార్య

రాగము: లుప్తము

హరి యితండు హరుఁడతండు - ఆకారమొక్కటే (హరిహరులందున) - అధికులెవ్వరు (లేరు)	॥పల్లవి॥
నెరిగురు లితనికి - మరుజడ లతనికి నురగపర పితనికి - నురగము లతనికి విరిగన్ను లితనికి చి - చ్చఱ గన్నతనికి (గరుడఁ డీతనికి - ఘన వృషభ మతనికి) హరిణాక్షి వినవె యిం - దధికులెవ్వరు లేరు	॥హరి॥
శ్రీతరుణి యితనికి - శ్రీగౌరి యతనికి భూతలంబితనికి - శీతనగ మతనికి జాతిమణు లితనికి వి - షమణు లతనికి రీతిగంధ మితనికి - భూతిపూత లతనికి	॥హరి॥
కరిభయహరుఁ డితఁడు - కరిముఖుని గురుఁడతఁడు నరసింహుఁడితఁ డర్ధ - నారీశ్వరుం డతఁడు (మురవైరి యీ)తఁడు - పురహరుఁ డతఁడు పరగ శ్రీవేంకటశైల - పతి యీతఁడే అతఁడు	॥హరి॥