ఆంధ్రభారతి - తాళ్లపాక అన్నమాచార్య కీర్తనలు - నీ శరణమే గతి నే నితర మెరఁగ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 286-2
సంపుటము: 3-495

తాళ్లపాక అన్నమాచార్య

రాగము: వసంతం

నీ శరణమే గతి నే నితర మెరఁగ పాశబంధముల పనులేలయ్యా	॥పల్లవి॥
పూఁచిన తొలుకర్మంబులు భోగించక పోవు చాఁచుకున్నయీ శరీరగుణములు చాలునన్నఁ బోవు రేఁచిన జననమరణములు రెంటికిఁ దీసీని మోఁచివచ్చితే విజ్ఞాన మెరఁగఁగ మొదలికిఁ గొనకును యెడ యేదయ్యా	॥నీశ॥
కోరిన నా కోరికలు కొనసాగక పోవు బారిఁ బడుచు కాలము దా బడిఁ దగులక పోదు మేరతో పంచేంద్రియములు మెడచుట్టక పోవు యే రీతుల సంసారము గెలువఁగ నెదురుబడిని బలిమిఁక నేదయ్యా	॥నీశ॥
మనసును వాకునుఁ జేఁతయు మానుమన్నఁ బోవు తనువులోన నా యంతర్యామివి తలఁచక ఇఁకఁ బోదు ఘనుఁడవు శ్రీవేంకటపతి నన్నుఁ గావక ఇఁకఁ బోదు కనికానని యజ్ఞాన జంతువను కడమలెంచ నిఁకఁ గొల(లఁ?) దేదయ్యా	॥నీశ॥