ఆంధ్రభారతి - తాళ్లపాక అన్నమాచార్య కీర్తనలు - కడవ రాదు హరి ఘనమాయ । తెగి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 286-3
సంపుటము: 3-496

తాళ్లపాక అన్నమాచార్య

రాగము: ముఖారి

కడవ రాదు హరి ఘనమాయ । తెగి విడువఁగరాదు వేసరరాదు	॥పల్లవి॥
చూపుల యెదిటికి సోద్యంబైనది పాపపుణ్యముల ప్రపంచము తీపులు పుట్టించు దినదిన రుచులై పూపల సంసారభోగములు	॥కడ॥
మనసు లోపలికి మర్మంబైనది జననమరణముల శరీరము వెనవెనకఁ దిరుగు వెడ లంపటమై కనకపుటాసల కర్మములు	॥కడ॥
తగు మోక్షమునకుఁ దాపయైన దిదె నగి హరిఁ దలఁచిన నాలుకిది వెగటు దీరె శ్రీవేంకటపతియై యగపడె నిపుడు పురాకృతము	॥కడ॥