ఆంధ్రభారతి - తాళ్లపాక అన్నమాచార్య కీర్తనలు - పంచేంద్రియములాల పంచభూతములాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 286-4
సంపుటము: 3-497

తాళ్లపాక అన్నమాచార్య

రాగము: రామక్రియ

పంచేంద్రియములాల పంచభూతములాల అంచెలఁ దొమ్మి సేయకురో మీరు	॥పల్లవి॥
కొందరికి మంచివాఁడ కొందరికిఁ గానివాఁడ నిందకుఁ గీర్తికిఁ బొత్తు నే నొకఁడనే అంది నిద్దిరించువాఁడ నటు మేలుకొనువాఁడ బొందితో నెఱుక మఱపులకు నొక్కఁడనే	॥పంచేం॥
దైవము నిర్మించినది ధరణిఁ బొడమినది యీవలావలికిఁ బొత్తు యీ దేహమే వేవేలు పుణ్యములకు వెలయుఁ బాపములకు యీవల రెంటికి గురి ఇదివో నా మనసు	॥పంచేం॥
తుంచి సగమటు వోవు తోడనే సగము వచ్చు పంచి లోనికి వెలికిఁ బ్రాణమొక్కటే కొంచక శ్రీవేంకటేశుఁ గొలిచి నే శరణంటి మంచివాయఁ బనులెల్లా మమ్ముఁ గాచె నితఁడు	॥పంచేం॥