ఆంధ్రభారతి - తాళ్లపాక అన్నమాచార్య కీర్తనలు - అటమీఁద శరణంటి నన్నిటా మాన్యము నాకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 286-5
సంపుటము: 3-498

తాళ్లపాక అన్నమాచార్య

రాగము: భైరవి

అటమీఁద శరణంటి నన్నిటా మాన్యము నాకు యెటు సేసినాఁ జెల్లె నిఁకనేల మాటలు	॥పల్లవి॥
ఏది పుణ్యమో నాకు నేది పాపమో కాని శ్రీదేవుఁడవు నీవే సేయించేవు సేదదేర నా మీఁదఁ జిత్రగుప్తుఁ డేల వా(వ్రా?)సీ మేదిని స్వతంత్ర మేది మెరయ నీబంటను	॥అట॥
పుట్టినట్టి తెరువేదో పోయేటి జాడ యేదో పుట్టించితి నీవే పురుషోత్తమ వెట్టి సంసారబంధాలు వెంటవెంట నేలవచ్చీ ఇట్టే యెవ్వరివాఁడ నిందులోన నేను	॥అట॥
చిత్త మెటువంటిదో జీవుఁ డెటు వంటి వాఁడో హత్తిన శ్రీవేంకటేశ అంతరాత్మవు యెత్తిన మదము నిన్ను నేల కాననియ్యదాయ నిత్తెము తొల్లే నేను నీవాఁడఁగాన	॥అట॥