ఆంధ్రభారతి - తాళ్లపాక అన్నమాచార్య కీర్తనలు - పోయం గాలము వృథయై పుట్టిన మొదలుం గటకట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 25-5
సంపుటము: 1-153

తాళ్లపాక అన్నమాచార్య

రాగము: గుండక్రియ

పోయం గాలము ^[1]వృథయై పుట్టిన మొదలుం గటకట ^[2]నీయెడ నామది నిజమై నిలుచుట యెన్నఁడొకో	॥పోయం॥
కుడిచిన నాఁకలి దీరదు కుడువఁగఁ గుడువఁగఁ బైపై కడుఁ బొదలెడు దీపన మిది గడచుట యిఁక నెట్లు కుడువక మానుట యెన్నడు కోరిక దీరుట యెన్నడు తడయక నీరూపము నేఁ దలఁచుట లెన్నఁడొకో	॥పోయం॥
జీవుఁడు పుట్టిన మొదలునుఁ జేతికి నూఱట చాలక యేవిధమున భుజియించిన నెడయదు దీపనము శ్రీవేంకటపతి నా కిఁక శ్రీకరుణామృత మియ్యక పావనమందదు నామది పాలించం దగదా	॥పోయం॥

^[1] ‘వ్రిథయై’ రేకు.

^[2] ‘యడ’ రేకు.