ఆంధ్రభారతి - తాళ్లపాక అన్నమాచార్య కీర్తనలు - సౌమిత్రిసహోదర దశరథరామా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 286-6
సంపుటము: 3-499

తాళ్లపాక అన్నమాచార్య

రాగము: పాడి

సౌమిత్రిసహోదర దశరథరామా చేముంచి గుత్తిలో వెలసిన రఘురామా	॥పల్లవి॥
చెలిమి సుగ్రీవుతోడఁ జేసిన రామ తొల్లి శిలనుఁ బడఁతిఁ గావించిన రామా చెలరేఁగిన వానరసేనల రామా శిలుగు మాయామృగముఁ జించిన రామా	॥సౌమి॥
తరణివంశ తాటకాంతక రామా నరనాథ కౌసల్యానందన రామా సిరులఁ బెండ్లాడిన సీతారామా గరిమతో సేతువు గట్టిన రామా	॥సౌమి॥
రావణాది దనుజహరణ రామా కావించి విభీషణునిఁ గాచిన రామా దీవెన లయోధ్యలోఁ జెందిన రామా శ్రీవేంకటాద్రిమీఁది శ్రీరామా	॥సౌమి॥