ఆంధ్రభారతి - తాళ్లపాక అన్నమాచార్య కీర్తనలు - దిక్కులెల్లా సాధించి దేవదుందుభులు మ్రోయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 287-2
సంపుటము: 3-501

తాళ్లపాక అన్నమాచార్య

రాగము: మాళవి

దిక్కులెల్లా సాధించి దేవదుందుభులు మ్రోయ- నెక్కడ చూచినఁ దానే యేఁగీ సేవించరో	॥పల్లవి॥
అదివో శ్రీహరి తేరు అదె గరుడధ్వజము కదలేటి ఘనతురంగము లవిగో పొదలుఁ బూదండలవే పూచి వాఁగే ఘంటలవే యెదుటఁ దిరువీధుల నేఁగీ సేవించరో	॥దిక్కు॥
వారె అచ్చరలేమలు వారె మునులు రుషులు వారక కొలిచే దేవతలు వారే వీరె యనంతగరుడవిష్వక్సేనాదులు యీ రీతిఁ బ్రతాపాన నేఁగీ సేవించరో	॥దిక్కు॥
వీఁడె శ్రీవేంకటేశుఁడు వీఁ డలమేల్మంగపతి వీఁడె శంఖచక్రాదుల వెలసినాఁడు పోఁడిమి వరములిచ్చీఁ బొసఁగ దాసులకెల్లా యేఁడేఁడు దప్పకుండాను యేఁగి సేవించరో	॥దిక్కు॥