ఆంధ్రభారతి - తాళ్లపాక అన్నమాచార్య కీర్తనలు - పంతగాఁడు మిక్కిలి బంటతనమునను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 287-4
సంపుటము: 3-503

తాళ్లపాక అన్నమాచార్య

రాగము: రామక్రియ

పంతగాఁడు మిక్కిలి బంటతనమునను అంతటాఁ గలశాపుర హనుమంతరాయఁడు	॥పల్లవి॥
నీరధి చంగన దాఁటి నెట్టన లంకచొచ్చి శ్రీరాము నుంగరము సీతకిచ్చి మేరమీరి యక్షుఁ గొట్టి మేటి వనము వెఱికె ఆరయఁ గలశాపుర హనుమంతరాయఁడు	॥పంత॥
ఘాతతో లంక గాలిచి గక్కన లంకిణిఁ జంపి యీతలికి మగుడఁ దా నేతెంచి సీతాశిరోమణి శ్రీరామునకు నిచ్చె ఆతఁడే కలశాపుర హనుమంతరాయఁడు	॥పంత॥
అల రావణుని గెల్చి అయోధ్యాపురికి వచ్చి బలురాముని సీతతోఁ బట్టముగట్టి నిలిచె శ్రీవేంకటాద్రినిలయుని యెదుటను అలరెఁ గలశాపుర హనుమంతరాయఁడు	॥పంత॥