అధ్యాత్మ సంకీర్తన
రేకు: 287-5
సంపుటము: 3-504
రేకు: 287-5
సంపుటము: 3-504
తాళ్లపాక అన్నమాచార్య
రాగము: ముఖారి
| అవధారు సకలలోకైకనాథ సువర్ణరూపమైన సుగ్రీవనారసింహా | ॥పల్లవి॥ |
| అరుదుగ మీరు సింహాసనముపై నుండఁగ యిరుగడ సేవించేరు ఇంద్రాదులు పరగ నెట్టనెదుట ప్రహ్లాదుఁ డున్నవాఁడు సొరిదినే చిత్తగించు సుగ్రీవ నారసింహా | ॥అవ॥ |
| చాపలపు హిరణ్యుని సమయించి వున్నమీకు చేపట్టి మొక్కేరు వశిష్ఠాదులు యే పొద్దు మీ తొడమీఁద నిందిర గాచుకున్నది చూపులఁ గరుణ నించు సుగ్రీవ నారసింహా | ॥అవ॥ |
| లలితముగ నీవు జగములు రక్షించఁగా వలనుగఁ బొగడేరు వ్యాసాదులు యెలమి శ్రీవేంకటేశ ఇందునందు నెలకొని సులభమూర్తివైతివి సుగ్రీవ నారసింహా | ॥అవ॥ |