ఆంధ్రభారతి - తాళ్లపాక అన్నమాచార్య కీర్తనలు - కంభమున వెడలి ఘననరసింహము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 288-1
సంపుటము: 3-506

తాళ్లపాక అన్నమాచార్య

రాగము: నాట

కంభమున వెడలి ఘననరసింహము కుంభిని హిరణ్యుఁ గూలిచెను	॥పల్లవి॥
తొడికి దైత్యుఁ దన తొడపైకిఁ దిగిచి కడుపు చించి రక్తము చల్లి జడియక పేగులు జందెంబులుగా మెడఁ దగిలించుక మెరసీ వాఁడే	॥కంభ॥
పెదవులు చింపుచు పెనుగోళ్ల నదిమి వుదుటుఁ బునుక గొరికుమియుచును సదరపు గుండెలు చప్పరింపుచును మెదడు గందముగ మెత్తీ వాఁడే	॥కంభ॥
దేవతల భయము దీర్చి యంకమున శ్రీవనితనుఁ గృప సేయుచును పావనపు టహోబలగిరి దైవము శ్రీవేంకటగిరిఁ జెలఁగీ వాఁడే	॥కంభ॥