ఆంధ్రభారతి - తాళ్లపాక అన్నమాచార్య కీర్తనలు - దేవదుందుభులతోడ దివ్యులతోడ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 288-5
సంపుటము: 3-510

తాళ్లపాక అన్నమాచార్య

రాగము: బౌళి

దేవదుందుభులతోడ దివ్యులతోడ యీవేళ శ్రీహరి తేరు యేఁగీ వీధులను	॥పల్లవి॥
గరుడధ్వజముతోడ కనకపు గుఱ్ఱాలతో పరపై యష్టదిక్కుల బండికండ్లతో నిరతితో పట్టుమాలి నిడుపపగ్గాలతోడ యిరవై శ్రీపతి తేరు యేఁగీ వీధులను	॥దేవ॥
పచ్చల ప్రతిమలతో పగడపు నొగలతో హెచ్చిన వైడూర్యపు టిరుసులతో కుచ్చుల ముత్యాలతో గుంపుఁ బైఁడికుండలతో యిచ్చల భూధవు తేరు యేఁగీ వీధులను	॥దేవ॥
మంచి నీలాల గద్దెతో మణిదర్పణాలతోడ పొంచిన సింగారాలతో పూదండలతో అంచె శ్రీవేంకటేశుతో నలమేలుమంగతోడ యెంచఁగ దేవుని తేరు యేఁగీ వీధులను	॥దేవ॥