ఆంధ్రభారతి - తాళ్లపాక అన్నమాచార్య కీర్తనలు - సేవించి చేకొన్నవారి చేతి భాగ్యము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 288-6
సంపుటము: 3-511

తాళ్లపాక అన్నమాచార్య

రాగము: పాడి

సేవించి చేకొన్నవారి చేతి భాగ్యము వేవేగ రారో రక్షించీ విష్ణుఁ డీడను	॥పల్లవి॥
గరుడగంభము కాడ కడుఁ బ్రాణాచారులకు వరము లొసఁగీని శ్రీవల్లభుఁడు తిరమై కోనేటి చెంతఁ దీర్థఫలములెల్ల పరుషల కొఁగీని పరమాత్ముఁడు	॥సేవిం॥
సేన మొదలారి వద్ద చిత్తములో సుజ్ఞానము నానాగతిఁ బుట్టించీని నారాయణుఁడు కానుక పైఁడిగాదెల కాఁడఁ దన నిజరూపు అనుక పొడచూపీని అఖిలేశుఁడు	॥సేవిం॥
సన్నిధి గర్భగృహాన చనవిచ్చి మాటలాడి విన్నపాలు వినీ శ్రీవేంకటేశుఁడు యెన్నికఁ బాదాలవద్ద యిహముఁ బరముఁ జూపీ మన్ననల అలమేలుమంగవిభుఁడు	॥సేవిం॥