ఆంధ్రభారతి - తాళ్లపాక అన్నమాచార్య కీర్తనలు - దొరతనములతోడ తొడపై శ్రీసతితోడ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 290-1
సంపుటము: 3-518

తాళ్లపాక అన్నమాచార్య

రాగము: నాట

దొరతనములతోడ తొడపై శ్రీసతితోడ కేరలీఁ బంతముల సుగ్రీవనారసింహము	॥పల్లవి॥
నిక్కిన కర్ణములతో నిట్టచూపు గుడ్లతో మిక్కుటమైన పెద్దమీసాలతోడ వెక్కసపు నోరితోడ వెలయు బుగ్గలతోడ క్రిక్కిరిసీ నవ్వుల సుగ్రీవ నారసింహము	॥దొర॥
చల్లు నూరుపులతోడ సంకుఁజక్రములతోడ మొల్లమైన సహస్రకరములతోడ తెల్లని మేనితోడ దిండైన పిరుఁదుతోడ కెల్లు రేఁగీఁ గరుణ సుగ్రీవ నారసింహము	॥దొర॥
విరుల పాదాలతోడ వెలయు సొమ్ములతోడ తిరమైన కోటిసూర్యతేజముతోడ విరుల దండలతోడ వేడుక శ్రీవేంకట- గిరిమీఁద వెలసె సుగ్రీవ నారసింహము	॥దొర॥