ఆంధ్రభారతి - తాళ్లపాక అన్నమాచార్య కీర్తనలు - ఇతరుల నడుగము యితఁడే మా దాత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 291-3
సంపుటము: 3-526

తాళ్లపాక అన్నమాచార్య

రాగము: లలిత

ఇతరుల నడుగము యితఁడే మా దాత యితని యీవి వొరు లియ్యఁగఁ గలరా	॥పల్లవి॥
దేవ దేవుఁ డాదిమపురుషుఁడు హరి శ్రీవత్సాంకుఁడు చిన్మయుఁడు యీవల నావల యిలువేలుపతఁడు భావజగురుఁడు మా పాలిటివాఁడు	॥ఇత॥
జగదేకగురుఁడు శాశ్వతుఁ డచ్యుతుఁ- డగజకు వరదుఁడు అనంతుఁడు తగి మము నేలిన దైవము యేలిక నిగమమూర్తి మా నిజబంధువుఁడు	॥ఇత॥
కలిదోషహరుఁడు కైవల్యవిభుఁడు అలరిన శ్రీవేంకటాధిపుఁడు చలిమి బలిమి మా జననియు జనకుఁడు అలమి యితఁడు మాయంతర్యామి	॥ఇత॥