ఆంధ్రభారతి - తాళ్లపాక అన్నమాచార్య కీర్తనలు - విశ్వమెల్ల నీ విరాడ్రూపము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 292-1
సంపుటము: 3-530

తాళ్లపాక అన్నమాచార్య

రాగము: మలహరి

విశ్వమెల్ల నీ విరాడ్రూపము శాశ్వతహరి నీ శరణులము	॥పల్లవి॥
కన్నులఁ సూర్యుఁడు కమలాప్తుఁడు నీ- పన్నిన మోమున బ్రాహ్మణులు వున్నతి వైశ్యులు వూరువు లందును యెన్నఁగ శూద్రులు యిదె పాదముల	॥విశ్వ॥
యింద్రాది దేవతలీశాన బ్రహ్మము- నీంద్రు లంగములు నెసఁగిరదే సాంద్ర లోకములు జఠరంబున నవె రుంద్ర తేజ మదె రోమముల	॥విశ్వ॥
కాలముఁ గర్మముఁ గైవల్యంబును ఆలోను వెలియునది నీవు శ్రీలలనాధిప శ్రీవేంకటేశ్వర కోలు ముందు నినుఁ గొలిచితిమయ్య	॥విశ్వ॥