ఆంధ్రభారతి - తాళ్లపాక అన్నమాచార్య కీర్తనలు - దేవుఁ డొక్కఁడే మాకు దిక్కు గాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 292-3
సంపుటము: 3-532

తాళ్లపాక అన్నమాచార్య

రాగము: దేసాక్షి

దేవుఁ డొక్కఁడే మాకు దిక్కు గాని కావ నెవ్వరును లేరు కతలింతే కాని	॥పల్లవి॥
పచ్చివొళ్లు మోచితిమి పాపమెల్లాఁ జేసితిమి హెచ్చిన మీఁదటి సుద్దు లేఁటివో కాని రచ్చలఁబడె మా గుట్టు రమణుల చేఁత బెట్టు అచ్చమై యిందుకుఁ బరిహరమేదో కాని	॥దేవుఁ॥
గాలిమూఁటఁ జిక్కితిమి కన్నచోటే తొక్కితిమి ఆలించి యేమిటివారమయ్యేమో కాని మైల గొంత మనసూ మణుఁగు గొంతానాయ తాలిమి నా విధి యేమి దలఁచీనో కాని	॥దేవుఁ॥
మాయలఁ బొరలితిమి మరచితి మింతలోనే చాయల శ్రీవేంకటేశు శరణంటిమి రోయఁజొచ్చె జగమెల్లా రుచియాయ వైరాగ్య- మాయము నాలోపలి అంతరాత్మేకాని	॥దేవుఁ॥