ఆంధ్రభారతి - తాళ్లపాక అన్నమాచార్య కీర్తనలు - అతని నమ్మలే రల్పమతులు భువి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 292-4
సంపుటము: 3-533

తాళ్లపాక అన్నమాచార్య

రాగము: వసంతవరాళి

అతని నమ్మలే రల్పమతులు భువి నతఁ డాద్యుఁడు పరమాత్ముఁడు	॥పల్లవి॥
సకలలోకపతి సర్వేశ్వరుఁడట వొకఁడిఁక దొర మరి వున్నాఁడా ప్రకటించఁగ శ్రీపతియే దాతట వెకలి నియ్యఁగొన వేరే కలరా	॥అత॥
దివిజవందితుఁడు దిక్కుల హరియట యివల మొక్క సురలిఁక వేరీ కవ నంతర్యామి కరుణాకరుఁడట వివిధభంగులను వెదకఁగనేలా	॥అత॥
వేదాంగుఁడు శ్రీవేంకటపతి యట ఆదిమతము లిఁక నరసేదా యేదెస నెవ్వరి కెప్పుడుఁ గలఁ డితఁ- డీదేవుఁడె మన కిహపర మొసఁగ	॥అత॥