ఆంధ్రభారతి - తాళ్లపాక అన్నమాచార్య కీర్తనలు - ఒకరిఁ గానఁగ నొడఁబడదు మనసు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 292-5
సంపుటము: 3-534

తాళ్లపాక అన్నమాచార్య

రాగము: సాళంగనాట

ఒకరిఁ గానఁగ నొడఁబడదు మనసు సకలము హరియని సరిఁదోఁచీని	॥పల్లవి॥
అంతరాత్మ శ్రీహరి యతఁ డొకఁడే జంతువులన్నియు సమములే బంతులఁ బాత్రాపాత్రము వెదకిన అంతట హరి దాస్యమేపో ఘనము	॥ఒక॥
జగమును నొకటే చైతన్య మొకటే తగిన పంచభూతము లొకటే నగుతా నెదిరిని నన్నును నెంచిన మొగి నాపై హరి ముద్రలె ఘనము	॥ఒక॥
కారు స్వతంత్రులు కడపట నొకరును యీరీతి నౌఁగాము లిఁక నేలా శ్రీరమణీపతి శ్రీవేంకటేశుఁడే కారణము శరణాగతియే ఘనము	॥ఒక॥