అధ్యాత్మ సంకీర్తన
రేకు: 293-1
సంపుటము: 3-536
రేకు: 293-1
సంపుటము: 3-536
తాళ్లపాక అన్నమాచార్య
రాగము: లలిత
| ఈతని నెఱఁగకుంటే నిల స్వామిద్రోహము ఘాతల నేఱు గుడిచి కాలువ పొగడుట | ॥పల్లవి॥ |
| హరిపాదముననే యడఁగె లోకములెల్ల హరినాభినే పొడమి రదివో బ్రహ్మాదులు హరినామము వేదాల కాదియు నంత్యమునాయ హరిదాసులే వశిష్ఠాదు లిందరును | ॥ఈత॥ |
| విష్ణుఁడే యమృత మిచ్చె విష్ణుఁడే ధరణి మోఁచె విష్ణువాజ్ఞ నడచేది విశ్వ మింతాను విష్ణుచక్రమున దైత్యవీరులెల్లా నడఁగిరి విష్ణువు ముఖమునందే విప్రులు జనించిరి | ॥ఈత॥ |
| పరమపు శ్రీపతివే భారతరామాయణాలు పరమాత్ముఁ డితఁడే పలుజీవుల యందెల్లా పరము చేచేతఁ జూపె పట్టి శ్రీవేంకటేశుఁడు పరమానంద మొసఁగు భక్తులకు నితఁడు | ॥ఈత॥ |