చావుతో సరియైన సౌఖ్యంబులోఁ దగిలి వేవేలు దురితముల వేగించు టొండె	॥చావుతో॥
కనుఁగొనల నిరుమేను గాఁడి పారుట లొండె చనుఁగొండలను [1]మహాచరులఁ బడు టొండె తనివోని సురతములఁ దగిలి మునుఁగుట యొండె ఘనమోహబంధములఁ గట్టువడు టొండె	॥చావుతో॥
మొనసి యాశాపాశముల యురులఁ బడు టొండె కనలి పొలయలుకచేఁ గాఁగు టది యొండె మనసు [2]కాఁతాళమున మల్లువెనఁగుట లొండె పనిలేని మదనాగ్నిఁ బడి పొరలు టొండె	॥చావుతో॥
తడసి మమతల నిరంతర [3]దైన్యమది యొండె నడుమనే కన్నుగానక తిరుగు టొండె యెడప కీతిరువేంకటేశుఁ దలఁపఁగలేక పడని పాట్లనెల్లఁ బడి వేఁగు టొండె	॥చావుతో॥

---

^[1] ‘మహాచరుల’ విరుద్ధసమాసము. ఈ చిల్లరదోషముల కీవాఙ్మయమున పట్టింపు లేదు.

^[2] ‘కాంతాళమున’ పూ.ము.పా. రేకులందంతటా ‘కాఁతాళ’మనియే వున్నది.

^[3] ‘ధైర్య’ పూ.ము.పా.