ఆంధ్రభారతి - తాళ్లపాక అన్నమాచార్య కీర్తనలు - నేనా గెలువలేను నీ మాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 293-5
సంపుటము: 3-540

తాళ్లపాక అన్నమాచార్య

రాగము: రామక్రియ

నేనా గెలువలేను నీ మాయ శ్రీనాథ నీవు సేసే చేఁతలే నీ మాయ	॥పల్లవి॥
తమకము గడు రేఁచు తలఁపు ఉఱ్ఱూఁతలూఁచు నిమిష మూరకుండదు నీమాయ తిమిరము బుద్ధిఁ గప్పు తెఱవల వెంటఁ దిప్పు అమరి తోడునీడ ఆయఁబో నీమాయ	॥నేనా॥
పట్టినందుకెల్లాఁ దీసు పాపమే చవులుసేసు నిట్టి(ట్ట?) పిడిఁ బోనీదు నీమాయ కొట్టఁగొన కెక్కించుఁ గోరి మొదలికి దించు మట్టులే దింతింతని మరియు నీమాయ	॥నేనా॥
పలు లంపటాల ముంచు భావజుచే భ్రమయించు నిలిచిన చోటనెల్లా నీమాయ యెలమి శ్రీవేంకటేశ యిటు నిన్నుఁ గొలువఁగా మలసి సొలసి నన్ను మన్నించె నీమాయ	॥నేనా॥