ఆంధ్రభారతి - తాళ్లపాక అన్నమాచార్య కీర్తనలు - చవిచేసుక యిటు జరగెదము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 294-1
సంపుటము: 3-542

తాళ్లపాక అన్నమాచార్య

రాగము: శంకరాభరణం

చవిచేసుక యిటు జరగెదము జవదాఁటకురో సంసారులార	॥పల్లవి॥
యేదిచూచినా నెరవెరవే పోదిఁ గూడఁగా పొదపింతే ఆదికినాది హరి యొకఁడే పాదుగఁ బుట్టెడి భవములె వేరు	॥చవి॥
కలుములు లేములు కతలింతే నిలుకడ గలచో నిజమౌను యిలయును జగమును యిదే యిదే తెలిసి చూడఁగా దినములే ఘనము	॥చవి॥
చెంతల నిందరు జీవులే బంతులఁ బుణ్యముఁ బాపమునే యింతట శ్రీవేంకటేశ్వరుఁడే కాంతలుఁ బురుషుల గతులై నిలిచె	॥చవి॥