ఆంధ్రభారతి - తాళ్లపాక అన్నమాచార్య కీర్తనలు - ఇహపరములకును యిది సుఖము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 294-4
సంపుటము: 3-545

తాళ్లపాక అన్నమాచార్య

రాగము: సామంతం

ఇహపరములకును యిది సుఖము సహజావస్థే జరగేటి సుఖము	॥పల్లవి॥
శ్రీరమణుఁడే చింతాయకుఁడని వూరక వుండుట వొక సుఖము కోరకుండఁగా గూడిన యర్థము ఆరయఁ గైకొను టది సుఖము	॥ఇహ॥
వసముగాని పని వడిఁ దలకెత్తుక అసురుసురుగాని దది సుఖము యెసరెత్తుక లేళ్లేవని తోలక పసఁ దనవిధిఁ గల పాటే సుఖము	॥ఇహ॥
పెక్కు చంచలము పెనచుక తిరుగక వొక్క సుఖంబౌ టురుసుఖము యెక్కువ శ్రీవేంకటేశ్వరు శరణని నిక్కితిమిదె మా నిజమే సుఖము	॥ఇహ॥