ఆంధ్రభారతి - తాళ్లపాక అన్నమాచార్య కీర్తనలు - ఆఁకటి వేళల నలపైన వేళలను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 26-3
సంపుటము: 1-158

తాళ్లపాక అన్నమాచార్య

రాగము: ముఖారి

ఆఁకటి వేళల నలపైన వేళలను తేఁకువ హరినామమే దిక్కు మఱి లేదు	॥ఆఁకటి॥
కొఱమాలివున్న వేళ కులము చెడిన వేళ చెఱఁవొడి వొరులచేఁ జిక్కిన వేళ వొఱపైన హరినామ మొక్కటే గతిగాక మఱచి తప్పిననైన మఱిలేదు తెఱఁగు	॥ఆఁకటి॥
ఆపద వచ్చిన వేళ యారడిఁ బడిన వేళ పాపపు వేళల భయపడిన వేళ వోపినంత హరినామ మొక్కటే గతిగాక మాపుదాఁకాఁ బొరలిన మరిలేదు తెఱఁగు	॥ఆఁకటి॥
సంకెళఁ బెట్టిన వేళ చంపఁ బిలిచిన వేళ అంకిలిగా నప్పులవా రాఁగిన వేళ వేంకటేశునామమే విడిపించ గతిగాక మంకుబుద్ధిఁ బొరలిన మరిలేదు తెఱఁగు	॥ఆఁకటి॥