ఆంధ్రభారతి - తాళ్లపాక అన్నమాచార్య కీర్తనలు - గోవిందుదాసులమై కొన కెక్కుదుముఁ గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 295-2
సంపుటము: 3-549

తాళ్లపాక అన్నమాచార్య

రాగము: సామంతం

గోవిందుదాసులమై కొన కెక్కుదుముఁ గాక వేవేలు విధుల నమ్మి వెతఁబడఁగలమా	॥పల్లవి॥
మనసు లోపలి మామర్మము దెలియలేము ఘనుఁడైన హరి నెట్టు గానఁగలము తనువుతో భోగాలు తగులు వీఁడగలేము వెనక కర్మపాశాలు వీడించుకోఁగలమా	॥గోవిం॥
వడిఁ బెట్టే యింద్రియాల వద్దని మానుపలేము తొడరి సంసారము తోయఁగలమా బడిబడి నానాటి బతుకు చెప్పుకోలేము పొడలేటి యితరుల బోధించఁగలమా	॥గోవిం॥
కొంకక ఆడిన మాట గురుతు వెట్టఁగలేము లంకె వేదవాక్యము దలఁచఁగలమా యింకా శ్రీవేంకటేశుఁ డితఁడే మా దేవుఁడని సంకెలేకుందుముఁ గాక జాలిఁబడఁగలమా	॥గోవిం॥