ఆంధ్రభారతి - తాళ్లపాక అన్నమాచార్య కీర్తనలు - పుట్టుగులు నొక్కటే పుణ్యపాపములే వేరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 295-3
సంపుటము: 3-550

తాళ్లపాక అన్నమాచార్య

రాగము: బౌళి

పుట్టుగులు నొక్కటే పుణ్యపాపములే వేరు యెట్టుసేసినాఁ జేసీ నేమి సేయవచ్చును	॥పల్లవి॥
పగలే రేయి యీబడిఁ గొన్నిజీవులకు వొగి నా రేయి పగలౌ నొకరికిని తగుదైవ మొకఁడే తమ మతములే వేరు పగటుల విష్ణుమాయ భ్రమయించీ నిదివో	॥పుట్టు॥
నిలువెల్లాఁ జేఁదే నెరిఁ గొన్నివృక్షములు కలదెల్లఁ దీపే కమ్మరఁ గొన్ని తలఁపును నొకటే తత్త్వములే వేరువేరు చెలరేఁగి విష్ణుమాయ చిక్కువెట్టీ నిదివో	॥పుట్టు॥
ఇహమే పరము యెరిఁగితేఁ గొందరికి మహిఁ బరమే ఇహము మరొకరికి వహితో శ్రీవేంకటేశు వలెనని కొలిచితే సహజపు విష్ణుమాయ జారిపోవునపుడే	॥పుట్టు॥