ఆంధ్రభారతి - తాళ్లపాక అన్నమాచార్య కీర్తనలు - తెలిసినవారి కింతా దేవుఁడై యుండు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 295-5
సంపుటము: 3-552

తాళ్లపాక అన్నమాచార్య

రాగము: లలిత

తెలిసినవారి కింతా దేవుఁడై యుండు కలఁడన్నచోట హరి గలఁ డటుగాన	॥పల్లవి॥
అందునిందుఁ బోయి శ్రీహరిని వెదకనేల బొందితోడి రూపులెల్లాఁ బొరి నతఁడే కొందరిలోనుండి ఇచ్చుఁ గోరినట్టి యీవులెల్ల కొందరిలో మాటలాడుఁ గొందరిలో నగును	॥తెలి॥
లోన వెలిఁ జూచి పరలోకము వెదకనేల యేనెలవైన వైకుంఠ మెదుట నదె పూని వొకచోట నెండ పొడచూపు నక్కడనే నానిన వెన్నెల గాసు నానారీతులౌను	॥తెలి॥
చొక్కిచొక్కి యానందసుఖము వెదకనేల మక్కువఁ దా శాంతుఁడైతే మతిలో నదె యెక్కువతో శ్రీవేంకటేశ్వరు దాఁసుడ నైతి వొక్కఁడే మాకిన్నిటికిఁ నొడయఁడై నిలిచె	॥తెలి॥