ఆంధ్రభారతి - తాళ్లపాక అన్నమాచార్య కీర్తనలు - ఇంక మా బోంట్ల కేది విధో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 295-6
సంపుటము: 3-553

తాళ్లపాక అన్నమాచార్య

రాగము: భవుళి

ఇంక మా బోంట్ల కేది విధో కింకరులమనియెడి గెలుపే కాక	॥పల్లవి॥
యెవ్వరు గడచిరి యింతక తొలుతను నివ్వటిల్లు హరి నీమాయ నవ్వుచు నీ శరణాగతి నమ్మిన మువ్వంక శుకాదిమునులే కాక	॥ఇంక॥
కన్నవారెవ్వరు ఘన వైకుంఠము వున్నతమగు నీ వురుమహిమ మున్ను నిపుడు నీ ముద్రలు మోఁచిన అన్నిటా ఘనసనకాదులుఁ గాక	॥ఇంక॥
తెలియువారెవ్వరు దివ్యజ్ఞానము చలనముగాఁ జెప్పు శాస్త్రములు యిలలో శ్రీవేంకటేశ నీవారై చెలఁగిరి శేషాదిజీవులుఁ గాక	॥ఇంక॥