ఆంధ్రభారతి - తాళ్లపాక అన్నమాచార్య కీర్తనలు - ఎందరు గలిగిన నితనిలోనే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 296-1
సంపుటము: 3-554

తాళ్లపాక అన్నమాచార్య

రాగము: సాళంగనాట

ఎందరు గలిగిన నితనిలోనే ముందువెనకలను ముఖ్యం బితఁడే	॥పల్లవి॥
భవ విదూరుఁ డాపద్బంధుఁడు హరి వివరించి కొలువ వేల్పితఁడు కవతో లక్ష్మీకాంతుఁ డితఁడు రవిశశినేత్రుఁడు రక్షకుఁడు	॥ఎంద॥
కలిదోషహరుఁడు కారుణ్యనిలయుఁడు వలెననువారికి వరదుఁడు తలఁపు లోనఁ గల తత్త్వం బితఁడు సులభుఁ డితఁ డరసి చూచినను	॥ఎంద॥
శ్రీవేంకటేశుఁడు చిత్తజగురుఁడు యేవలఁ జూచిన నితఁడే గోవిందుఁ డితనిఁ గొలిచితి మిదివో తోవయుఁ గంటిమి తుదకెక్కితిమి	॥ఎంద॥