ఆంధ్రభారతి - తాళ్లపాక అన్నమాచార్య కీర్తనలు - కనుఁగొననిది హరికల్పితము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 296-2
సంపుటము: 3-555

తాళ్లపాక అన్నమాచార్య

రాగము: శుద్ధవసంతం

కనుఁగొననిది హరికల్పితము తనకు నిందులోఁ దగినంతే	॥పల్లవి॥
నానాభేదములు నరుల గుణంబులు నానారుచులివి నవపదార్థములు ఔననేదేది యటు గాదనేదేది వానివాని విధి వలసినయట్టు	॥కనుఁ॥
నడచుఁ బ్రపంచము నడుపే విధముల నడచు మాయ లెన్నఁగరావు విడిచేటివేఁటివి విడువనివేఁటివి పడఁగఁబడఁగ నవి పరచినయట్లు	॥కనుఁ॥
తెగని కర్మములు దేహధర్మములు తెగని యాసలివె దినదినము తగు శ్రీవేంకటదైవము దాసులు నగుదు రిన్నిటిని నటనలు చూచి	॥కనుఁ॥