ఆంధ్రభారతి - తాళ్లపాక అన్నమాచార్య కీర్తనలు - అరిగాఁపులము నేము అంతర్యామివి నీకు (వు?) - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 296-3
సంపుటము: 3-556

తాళ్లపాక అన్నమాచార్య

రాగము: వరాళి

అరిగాఁపులము నేము అంతర్యామివి నీకు (వు?) యిరవై నీ చెప్పినట్టు యేమి సేతుమయ్యా	॥పల్లవి॥
గాలి ముడి గట్టినట్టు కాయము మోచితిమి కాలము గొలచితిమి కనురెప్పల జాలి రొప్పితిమి వట్టి సటలనే యేపొద్దు యేల మెచ్చవింకాను యేమి సేతుమయ్యా	॥అరి॥
చుక్కలు లెక్కించినట్టు చూడఁగ మా జన్మములు వుక్కునఁ గర్మములకు నొడిగట్టితి (మి?) తెక్కులను వెంటవెంటఁ దిరిగేము బంట్లమై యెక్కువాయ వెట్టి మాకు నేమి సేతుమయ్యా	॥అరి॥
పాలు వొంగినటువలెఁ బాయము మోచితిమి నాలుక కెక్కినవెల్లా నమలితిమి యీలీల శ్రీవేంకటేశ ఇంత సేసితివి యేలినవాఁడవు ఇంకా నేమిసేతుమయ్యా	॥అరి॥