ఆంధ్రభారతి - తాళ్లపాక అన్నమాచార్య కీర్తనలు - మిగిలిన దే మిఁకమీఁదట దేహికి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 296-4
సంపుటము: 3-557

తాళ్లపాక అన్నమాచార్య

రాగము: శంకరాభరణం

మిగిలిన దే మిఁకమీఁదట దేహికి అగపడు నొక పడెఁ డన్నంబు	॥పల్లవి॥
రతిఁ బగటి వెలుఁగు రాత్రిచీఁకటికి సతము గాదు అది సరికి సరి అతిభోగములకు నార్జించుటకును చతురపు సంపద సరికి సరి	॥మిగి॥
అలయ పథ్యమున కౌషధము గొనుట చలువకు వేఁడికి సరికి సరి నిలిచిన పుణ్యము నిండుఁబాపములు జలువు వెలువులకు సరికి సరి	॥మిగి॥
మహి మరణములకు మరి పుట్టుగులకు సహజ మందరికి సరికి సరి యిహమున శ్రీవేంకటేశ్వరుఁ డాత్మకు సహకారి యతఁడు సరికి సరి	॥మిగి॥